UA-55725853-1

28 de mar. de 2012

Cuspe extra

Acabo de ter unha pequena discusión cuns amigos co galo da folga e antes, no viño co amigo Henrique e Lupiña, unha parrafada na que falabamos xustamente desas cousas. A cousa é que eles, os amigos, síntense enganados cos sindicatos: representantes que non representan, que non defenden, representantes que pasan de todo, que se aprobeitan da súa posición para conseguir días libres, para prosperar nas empresas.

Penso eu que motivos para cuspirlle aos representantes sindicais hai a patadas, como aqueles representantes que se collen días de vacacións para decir que foron á folga e non perder cartos ou como aqueles sindicalistas representantes de traballadores que alardean de que eles non teñen problema ca folga porque o sindicato vailles pagar o día perdido.

Por iso gustaríame usar o meu blog para pedir algo porque igual que lle esixo ao goberno que retire a súa reforma do escravismo, tamén quero pedir unha reforma íntegra dos sindicatos, para que funcionen realmente para o que son, para que salgan deles os aproveitados, para que os sindicatos representen aos traballadores e que todos nos sintamos representados e teñamos confianza neles.

2 comentarios :

  1. home, falta faría esa reforma...eu teño amigos sindicalistas, de varios sindicatos, e son xente moi loitadora, pero tamén coñezo casos dos que falas...a miña conclusión é que o funcionamento do sindicato a nivel local depende moito de como sexan os seus membros...e para min o problema é que se convirtan nunha institución demasiado priamidal,como é caso de moitos...o poder corrompe, éche o que hai...se, polo menos a maioría, son coma os meus amigos, as cousas van ben, pero se son ou queren ser como os da cúspide deixan de funcionar, e olvídanse de que están para axudar ó traballador, e non para vivir do conto...

    ResponderEliminar
  2. Xústamente, e o problema é que os traballadores pasamos de todo.

    ResponderEliminar